म बाँचुञ्जेलसम्म इमान्दारीसाथ आफ्नो काम गरिरहनेछु - अनित थापा

म बाँचुञ्जेलसम्म इमान्दारीसाथ आफ्नो काम गरिरहनेछु - अनित थापा
Please Like and Share our website Samay Dainik

दार्जीलिङ, 28 अगस्त (हिस)। जीटीए चेयरम्यान अनित थापाले आज दार्जीलिङको तकदाह-ग्लेनवर्ण समष्टि भ्रमणावाधि सम्पन्न एक सभामा जबसम्म यस ठाऊँमा रहन्छु र बाँचुञ्जेलसम्म नढाँटी इमान्दारीताका साथमा आफ्नो जिम्मेवारी बहन गरिरहने छु भनी बताएका छन्। सभामा थापाले भने, बिगत समयमा यस ठाउँमा धेरै नेतृत्वहरु आएर गए। सबैले आश्वसन मात्रै दिएर गए। तर म आश्वासनमा विश्वास गर्दिन, सक्ने काम हुन्छ भन्छु, नसक्ने काम छ भने प्रयास गर्छु। तपाईहरूको क्षेत्रमा रहेको यस मुख्य सड़कलाई पीडब्ल्युडीमा अन्तर्भुक्त गराउने छु भनेर वचन दिएको थिए, त्यसै अनुरूप कामको थालनी भइसकेको छ। जीटीए चेयरम्यान अनित थापाले आफ्नो सम्बोधनमा नेताहरूले ढाँट्ने गरेकाले हामी त्यही प्रवृतिमा छौं भन्दै आफु यहाँ भोट माग्नु नआएको अनि आफुलाई भोटमा जित्नु पनि नरहेको दाबी गरे। उनले राजनैतिक पार्टीमा रहेपछि कुनै राजनैतिक पार्टीमा मिल्नुपर्छ अनि हामी राज्यको सत्तारुढ़ पार्टी तृणमूल कंग्रेससित गठबन्धनमा छौं र विकासका कार्यहरू गरिरहेका छौं भनी बताए। उनले भने, हामी अझैं सचेत भएनौं भने भोलि अझ दु:ख पाउँछौं। अब हामीले हाम्रो नजिककै भेट्न सक्ने मान्छेलाई नै भोट दिनुपर्छ।

म बाँचुञ्जेलसम्म इमान्दारीसाथ आफ्नो काम गरिरहनेछु - अनित थापा


Please Like and Share our website Samay Dainik

Related posts

Leave a Comment