6 महिनापछि अन्तर राज्य आवगमन खुल्ला

6 महिनापछि अन्तर राज्य आवगमन खुल्ला

गान्तोक, 1 अक्टोबर (हिस)। सिक्किम सरकारले आज बिहीबारदेखि अन्तर राज्य आवगमन पूर्णरूपमा खुल्ला गरिदिएको छ। आजदेखि मानिसहरूका साथै वाहनहरूको आवगमन पनि पहिले सरह खुल्ला भएको छ। देशलगायत सिक्किममा कोरोना भाइरसको सङ्क्रमण फैलिन थालेपछि लकडाउन लागू गरिएको थियो। राज्यभित्र स्थितिलाई ध्यानमा राख्दै समय समयमा लकडाउन खकुलो गरिएको भए तापनि अन्तर राज्य आवगमनमा भने पूर्णरूपमा छुट दिइएको थिएन। लगभग 6 महिनाको लामो समयपछि आजदेखि अन्तर राज्य आवगमनका साथै राज्यव्यापी रूपमा सबै प्रकारका आवगमनहरू पनि खुल्ला गरिएको छ। आज प्रथम दिन सामान्यभन्दा वाहनहरूको चलाचल निकै देखियो। विशेष रूपमा राज्यबाट बाहिर चल्ने र राज्य बाहिरबाट सिक्किम आउने वाहनहरूको चलाचल पनि बढेको थियो। आवगमन खुल्ला भएपछि विशेषगरि चालक समुदायमा हर्षको माहोल रहेको छ। यद्यपि, बढ्दो कोरोना महामारीका कारण पहिले सरह मानिसहरूलाई खुलेर अघि आएर यात्रा गरेको भने देखिएन। अर्कोतिर, यात्रीहरूको निम्ति वाहनको भाड़ा पनि ठूलो समस्या बनेको देखियो। विशेषगरि राज्य सरकारद्वारा जारी गरिएको दिशानिर्देशअनुसार साना वाहनहरूमा तीनजना र ठूला वाहनहरूमा पाँचजना (चालक बाहेक) यात्रा गर्नु पाउने छ। तर, यसमा यात्रीहरूको भाडा भने निर्धारित गरिएको छैन, जसकारण यात्रीहरूबाट अधिक भाडा उठाउन सकिने समस्या देखिएको छ। यसैगरी, निर्धारित यात्रीहरू लिएर हिड्दा पनि चालकहरूलाई मर्का पर्ने भनाइ रहेको छ। देवरालीस्थित मेनलाइन ट्याक्सी स्ट्याण्डबाट आज दार्जीलिङ, सिलगढीसहित अन्य गन्तव्यतिर वाहन चलेको थाहा लागेको छ।

नयाँ शिक्षा नीतिमाथि सिक्किम राज्य विश्वविद्यालयको राष्ट्रिय वेभिनार सम्पन्न

नयाँ शिक्षा नीतिमाथि सिक्किम राज्य विश्वविद्यालयको राष्ट्रिय वेभिनार सम्पन्न

गान्तोक, 1 अक्टोबर। सिक्किम राज्य विश्वविद्यालयले आज नयाँ शिक्षा नीतिमाथि राष्ट्रिय वेभिनार आयोजन गर्‍यो। विश्वविद्यालयको संस्कृत तथा नेपाली विभागको संयुक्त आयोजनामा सम्पन्न यस राष्ट्रिय वेभिनारको विषय ‘भारतीय भाषाहरूको भविष्य : राष्ट्रिय शीक्षा नीतिका सन्दर्भमा’ रहेको थियो। वेभिनारको उद्घाटन मुख्य अतिथि एवं पञ्जाब विश्वविद्यालयका सम्मानित प्रोफेसर तथा महाराणा प्रताप विश्वविद्यालय उदयपुर, देश भगत् विश्वविद्यालय तथा खालसा विश्वविद्यालयका पूर्व कुलपति प्रो. एस.एस. चहालले गरेका थिए। सरकारी संस्कृत महाविद्यालय, साम्दोङ एवं संस्कृत भारती, उत्तर बङ्गालको सहयोगमा आयोजित यस राष्ट्रिय वेभिनारको अध्यक्षता सिक्किम राज्य विश्वविद्यालका कुलपति प्रो. जीके निरौला छेत्रीले गरेका थिए। वेभिनारमा वीजभाषण राख्दै संस्कृत भारतीका सङ्गठन सचिव दिनेश कामतले विश्वका समृद्धशाली देशहरू स्वीट्जरल्याण्ड, नर्वे, इटाली, जर्मनी, सिङ्गापुर, जापान, फ्रान्स, आयरल्यान्ड, चीन, ग्रीस आदिको उदाहरण दिँदै ती देशमा शिक्षाको माध्यम मातृभाषामा रहेको उल्लेख गरे। नयाँ शिक्षा नीतिले हामीलाई मातृभाषामा शिक्षा ग्रहण गर्ने अवसर प्रदान गरेको छ, त्यसको हामीले लाभ उठाउनुपर्छ, नयाँ शिक्षा नीति पाश्चात्यमुखीबाट भारतमुखी बनेको उनले उल्लेख गरे। संस्कृत प्रमोसन फाउन्डेसनका निर्देशक एवम् संस्कृत भारतीका पूर्व अध्यक्ष डा. चाँदकिरण सलुजाले आफ्नो वक्तव्यमा नयाँ शिक्षा नीतिले स्थानीय भाषालाई उच्च प्राथमिकता दिएको उल्लेख गर्दै स्थानीय भाषाका विशेषज्ञहरूलाई शिक्षकका रूपमा नियुक्त गर्ने प्रावधान प्रदान गरेको बताए। भारतमा पहिलोपल्ट शिक्षा नीतिले युरोपीयकरणबाट भारतलाई भारतीयकरण गरेको उल्लेख गर्दै हामीले यसको महत्त्व बुझ्न आवश्यकछ भने। भारतका धेरै भाषा… Read More

केन्द्र सरकारको पहलले पूर्वोत्तरका आदिवासी युवाहरूको आकाङ्क्षा पूरा गर्न सहयोग गरिरहेको छ : अर्जुन मुण्डा

केन्द्र सरकारको पहलले  पूर्वोत्तरका आदिवासी युवाहरूको आकाङ्क्षा पूरा गर्न सहयोग गरिरहेको छ : अर्जुन मुण्डा

केन्द्रिय जनजाति मामिला मन्त्री अर्जुन मुण्डाद्वारा सिक्किमको निम्ति प्रधानमन्त्री वन धन केन्द्रहरूको उद्घाटन गुवाहाटी, 1 अक्टोबर, 2020। पूर्वोत्तर राज्यहरूमा ट्राइफेडले आफ्नो वन धन विकास केन्द्रहरूको माध्यमद्वारा आदिवासी जनसमुदायको आर्थिक-सामाजिक विकासलाई टेवा दिइरहेको छ। पत्र सूचना कार्यालय, गुवाहाटीद्वारा “प्रधानमन्त्री वन धन योजनाको सफल गाथा – पूर्वोत्तरका आदिवासी समुदायलाई आत्मनिर्भर भारततर्फ अग्रसर गराउँदै” विषयमा आयोजित वेबिनारमा आज केन्द्रिय जनजाति मामिला मन्त्री, सिक्किमका मुख्यमन्त्री, जनजाति मामिला मन्त्रालय साथै ट्राइफेडका वरिष्ठ अधिकारीहरूले उद्यमशीलता तथा नीतिगत पहलको दृष्टिले वन धन विकास केन्द्रहरूको सम्भावना तता भूमिकाबारे चर्चा-परिचर्चा गरे। यस अवसरमा बोल्दै केन्द्रिय जनजाति मामिला मन्त्री अर्जुन मुण्डाले केन्द्र सरकारको पहलले उद्यमशीलतामा नाट्यकारी रूपान्तरण ल्याउँदै पूर्वोत्तरका युवाहरूको आकाङ्क्षा पूरा गर्न सघाउ पुऱ्याइरहेको बताए। बजारसम्म सुगम पहुँचको महत्त्वबारे बोल्दै उनले आदिवासी इलाकाका उत्पादहरू पर्यावरणमैत्री रहने गरेको बताए। विश्व बजारमा माग बढाउनका साथै ती उत्पादहरूको मूल्य अभिवृद्धि गरिनुपर्ने कुरामाथि उनले बल दिए। पूर्वोत्तर क्षेत्रमा विशेष प्राकृतिक संसाधन रहेको र त्यसलाई विश्व बजारमा प्रतिस्पर्धा गर्ने हिसाबले उत्पाद बनाउने कुरामाथि जोड दिनुपर्ने उनले आशय व्यक्त गरे। आदिवासी इलाकाका उत्पादहरूको निर्यात प्रेरणादायक रहेको र रोजगारको दृष्टिकोणबाट यसको सम्भावना पनि व्यापक रहेको उनले जनाए। यसै वेबिनारको मञ्चबाट सिक्किमका जनताको सराहना गर्दै शुभकामनाका साथ केन्द्रिय मन्त्री मुण्डाले सिक्किमको निम्ति प्रधानमन्त्री वन धन केन्द्रको पनि परोक्ष उद्घाटन गरे। यस अवसरमा बोल्दै सिक्किमका मुख्यमन्त्री प्रेमसिंह तामाङले… Read More

जीटीएलाई 175 करोड़को सहयोग

जीटीएलाई 175 करोड़को सहयोग

अनित-विनयहरूको अधीनमा आए जातगत विकास बोर्डहरू दार्जीलिङ, 30 सेप्टेम्बर। अब दार्जीलिङ पहाड़सँगै तराई-डुवर्समा रहेका विभिन्न जातगत विकास बोर्डहरू जीटीए अध्यक्ष अनित थापा, पूर्व अध्यक्ष विनय तामाङ, राज्यका मन्त्री अरूप विश्वास र जीटीएका मुख्य सचिव सुरेन्द्र गुप्तको अधीनमा रहनेछन्। आज राज्यकी मुख्यमन्त्री ममता व्यानर्जीले सिलगढ़ीमा आयोजित एक प्रशासनिक बैठकमा यस्तो निर्देश दिएकी हुन्। उनले भनिन्-राज्य सरकारले तराई-डुवर्स बोर्ड, आदिवासी बोर्डहरूलाई 10 करोड़ रूपियाँ दिइरहेको थियो। दार्जीलिङ पहाड़मा पनि 13 वटा विकास बोर्डहरू छन्। दार्जीलिङ पहाड़का यी 13 वटा विकास बोर्डहरू कोविडको कारण लगभग निष्क्रिय बनिरहेका थिए। अब यी विकास बोर्डहरूको देखरेख उपर्युक्त चारजनाको अधीनमा रहनेछन्। ज्ञात रहोस्, राज्यकी मुख्यमन्त्री ममता व्यानर्जी हाल उत्तर बंगालको भ्रमणमा छिन्। यसै क्रममा आज उनले एक प्रशासनिक बैठक गरेकी हुन्। जसमा जीटीए वा दार्जीलिङ पहाड़को पक्षबाट जीटीए अध्यक्ष अनित थापा, गोजमुमो अध्यक्ष विनय तामाङ, मिरिक नगरपालिका अध्यक्ष एलबी राईका साथै उत्तर बंग विकास परिषदका अध्यक्ष अमरसिंह राई आदिलाई आ-आफ्नो पक्ष पेश गर्ने अवसर प्रदान गरिएको थियो। जसमा आफ्नो पक्ष प्रस्तुत गर्दै जीटीए अध्यक्ष अनित थापाले दार्जीलिङ पहाड़मा भारी वर्षाको कारण धेरै क्षति भएको जानकारी गराउँदै जीटीएले आफ्नो क्षमताले भ्याएसम्म यो समस्या समाधान गर्ने प्रयास गरेको बताए। यसैबीच, उनले दार्जीलिङ पहाड़को पर्यटन उद्योग कोरोना सङ्क्रमणको कारण नराम्रोघतले प्रभावित भएको बताउँदै यसलाई पुनः सुधारको मार्गमा अघि बढ़ाउन जीटीएले… Read More

अयोध्या विवादित ढाँचा विध्वन्स मामिलाका सबै 32 आरोपीहरू दोषमुक्त

अयोध्या विवादित ढाँचा विध्वन्स मामिलाका सबै 32 आरोपीहरू दोषमुक्त

लखनऊ, 30 सेप्टेम्बर (हिस)। अयोध्यामा 6 दिसम्बर, 1992 को दिन ढालिएको विवादित ढॉंचा मामिलामा सीबीआईको विशेष अदालतले सबै 32 आरोपीहरूलाई दोषमुक्त गरिदिएको छ। सो मामिलामा भाजपाका वरिष्ठ नेताहरू लालकृष्ण आडवाणी, मुरली मनोहर जोशी, उत्तर प्रदेशका पूर्व मुख्यमन्त्री कल्याण सिंह, उमा भारती तथा महन्त नृत्य गोपाल दाससहित 49 व्यक्तिहरू विरूद्ध एफआईआर दर्ता गरिएको थियो। यस मुद्दामा आरोपीहरू मध्ये 17 जनाको निधन भइसकेको छ। यस मुद्दामा सुनवाईपछि फैसला सुनाउँदै न्यायाधीश एसके यादवले भने– सबै आरोपी विरूद्ध कुनै ठोस प्रमाण छैन। फैसलामा अझ भनिएको छ कि प्रमाणको रूपमा जुन फोटो, भिडियो, फोटोकपी आदि अदालतमा पेश गरिएको थियो, त्यो ठोस प्रमाण होइनन् र त्यसले आरोप सिद्ध हुॅंदैन। दोषमुक्त गरिएका 32 आरोपीहरू हुन्: लालकृष्ण आडवाणी, मुरली मनोहर जोशी, कल्याण सिंह, उमा भारती, विनय कटियार, साध्वी ऋतम्भरा, महन्त नृत्य गोपाल दास, डा. राम विलास वेदांती, चंपत राय, महंत धर्मदास, सतीश प्रधान, पवन कुमार पाण्डेय, लल्लू सिंह, प्रकाश शर्मा, विजय बहादुर सिंह, सन्तोष दुबे, गान्धी यादव, रामजी गुप्ता, ब्रज भूषण शरण सिंह, कमलेश त्रिपाठी, रामचन्द्र खत्री, जय भगवान गोयल, ओम प्रकाश पाण्डेय, अमर नाथ गोयल, जयभान सिंह पवैया, महाराज स्वामी साक्षी, विनय कुमार राय, नवीन भाई शुक्ला, आरएन श्रीवास्तव, आचार्य धर्मेन्द्र देव, सुधीर कुमार कक्कड़ अनि धर्मेन्द्र सिंह गुर्जर। जम्मा 32 आरोपीहरू मध्ये 26 जना बुधवार लखनऊको सीबीआई… Read More

1 अक्टोबरदेखि अन्तर राज्य आवगमन खुल्ला, दिशानिर्देश जारी

1 अक्टोबरदेखि अन्तर राज्य आवगमन खुल्ला, दिशानिर्देश जारी

गान्तोक, 30 सेप्टेम्बर (हिस)। भोलि 1 अक्टोबर, 2020 देखि भइरहेको अन्तर राज्य आवगमन छुटलाई लिएर राज्य सरकारले दिशानिर्देश जारी गरेको छ। राज्य गृह विभागद्वारा आज जारी गरिएको एक आदेशमा भोलि 1 अक्टोबरदेखि मानिसहरूका साथै वाहनहरूको अन्तर राज्य आवगमन पूर्णरूपमा खुल्ला रहने बताएको छ। तर, पर्यटकहरूलाई भने राज्य पर्यटन विभागले जारी गरेको मानक सञ्चालन प्रक्रिया अनुरूप 10 अक्टोबर, 2020 देखि प्रवेश गर्न अनुमति दिइने छ। मजदूरहरूको प्रवेश श्रम विभागद्वारा इन्टर स्टेट माइग्रेण्ट वर्कमेन एक्ट, 1979 अन्तर्गत जारी परमिटको आधारमा गरिने छ। वाहनहरूको अन्तर राज्य आवगमन पनि खुल्ला रहने छ भने निजी वाहनहरूले पनि 9 अक्टोबर, 2020 सम्म अड-इवन फर्मूला पालन गर्नुपर्नेछ। साना वाहनहरू (भ्यान/कार) लाई केवल तीन जना यात्री तथा लक्जरी ट्याक्सी/एसयुवीहरूलाई पॉंच जना यात्री चड़ाउने अनुमति दिइएको छ। अर्कोतिर, सिनेमा हल, स्वीमिङ पूल, इन्टरटेन्मेन्ट पार्क, थिएटर भने अहिले बन्द नै रहनेछन्। वाणिज्यिक प्रतिष्ठानहरूले सामाजिक दूरीलाई कडारूपमा पालन गर्नुपर्नेछ भने प्रबन्धकलाई सबै कर्मचारीहरूद्वारा आरोग्य सेतु एपको प्रयोग सुनिश्चित गर्न लगाइएको छ। सरकारी कार्यालयहरूमा पनि शनिबार र आइतबार बाहेक अन्य सबै दिन काम चल्नेछ। विवाह अनि अन्त्योष्टिमा केन्द्रिय गृह मन्त्रालयद्वारा जारी दिशानिर्देश लागू रहनेछ। यसैगरी, 65 वर्षदेखि माथि उमेर पुगेका मानिसहरू, 10 वर्षदेखि मुनि उमेरका नानीहरू, गर्भवती महिलाहरू, अन्य विभिन्न रोगले ग्रस्त मानिसहरूले विशेष सावधानी अपनाउनु पर्ने बताइएको छ। अर्कोतिर, राज्यका मुख्य… Read More

क्रामाकपाले गऱ्यो माग प्रदर्शन, भन्यो- हामी गोर्खाल्याण्डका लागि गणतान्त्रिक ढङ्गमा सधैँ लड़िरहनेछौँ

क्रामाकपाले गऱ्यो माग प्रदर्शन, भन्यो- हामी गोर्खाल्याण्डका लागि गणतान्त्रिक ढङ्गमा सधैँ लड़िरहनेछौँ

कालेबुङ, 30 सेप्टेम्बरः पछिल्लो लोकसभा चुनाउअवधि सङ्कल्प-पत्रमा उल्लिखित वाचा भाजपालाई याद दिलाउँदै आज क्रान्तिकारी मार्क्सवादी कम्युनिस्ट पार्टी (क्रामाकपा)-ले कालेबुङको मुटु मानिने डम्बर चोकमा माग प्रदर्शन गऱ्यो। माग प्रर्दशन गर्नअघि क्रामाकपा कार्यकर्ताहरूले प्ला-कार्डहरू बोकेर पार्टी कार्यालयदेखि डम्बरचोकसम्मै मौन ऱ्यालीसमेत निकालेका थिए। उनीहरूले बोकेका प्ला-कार्डहरूमा ‘वी वान्ट गोर्खाल्याण्ड’, ‘हाम्रो समर्थन राज्यको निम्ति मात्र हो’, ‘बहुसङ्ख्यक र पुञ्जीपतिको निम्ति कानून बनाउन सक्छौ; अल्पसङ्ख्यक गोर्खाको सुरक्षा खोई?’, ‘गोर्खाको सपना मेरो सपना भन्ने मोदीजी, हाम्रो सपना कहिले विपना हुने?’, ‘केन्द्र सरकार गोर्खाको माग पूरा गर’ र ‘हाम्रो केवल एउटै माग छुट्टै राज्य गोर्खाल्याण्ड’ आदि जस्ता नारा लेखिएका थिए। यसैबीच पत्रकारहरूसँग कुराकानी गर्दै क्रामाकपा नेता किशोर प्रधानले क्रामाकपा छुट्टै राज्य गोर्खाल्याण्ड गठनका लागि गणतान्त्रिक र संसदीय ढङ्गमा सधैँ लड़िरहने बताए। उनले क्रामाकपाका गठन नै भारतीय गोर्खाहरूका राष्ट्रिय चिनारी र राजनीतिक सुरक्षाका लागि भएकाले शुरूदेखि नै लगातार छुट्टै राज्य गोर्खाल्याण्डका लागि राजनीतिक आन्दोलनहरू गणतान्त्रिक ढङ्गमा गरिरहेको बताए। प्रधानका अनुसार गोर्खाहरूको दीर्घलम्बित माग छुट्टै राज्य गोर्खाल्याण्डका लागि काम गर्छु भनेर भाजपाले धेरै वर्षदेखि भरोसा दिइरहेको कारण नै राज्यकै लागि क्रामाकपाले पछिल्लो चुनाउमा भाजपालाई सघाएको हो। “तर हामीलाई लाग्दैछ, कता कता यो माग फत्ते हुन अब विलम्ब हुँदै जाँदैछ। विलम्ब मात्रै होइन यो मागलाई सत्ताको भुमरीभित्र हालेर चाहे डढ़ेलो लगाउने प्रचेष्टा पनि हुँदैछ कि भनेर क्रामाकपाले आत्माले भन्न थालेको… Read More

एसडीएफले एक विश्वासी अनि समर्पित नेता गुमाएको छ: चामलिङ

एसडीएफले एक विश्वासी अनि समर्पित नेता गुमाएको छ: चामलिङ

गान्तोक, 29 सेप्टेम्बर (हिस)। दक्षिण सिक्किमको नाम्ची नगर परिषदका अध्यक्ष उदय चन्द्र राईको मंगलबार बिहान निधन भएको छ। पूर्व मुख्यमन्त्री तथा एसडीएफ पार्टी अध्यक्ष पवन चामलिङले उनको निधनमा शोक प्रकट गरेका छन्। एसडीएफ प्रचार प्रसार महासचिव कविता सुब्बाद्वारा जारी प्रेस विज्ञप्तिमा एसडीएफ अध्यक्ष चामलिङले नाम्ची नगर परिषदका अध्यक्ष उदय चन्द्र राईको निधनले आफु दुखित बनेको बताएका छन्। उनको निधनका साथै एसडीएफ पार्टीले आफ्नो एक विश्वासी अनि समर्पित नेता गुमाएको उनले उल्लेख गरेका छन्। उदय चन्द्र राईसित वर्ष 1993 देखि आफु परिचित रहेको र स्व. राईले आफ्नो सरकारी नोकरी छाड़ेर एसडीएफ पार्टीको राजनीतिक संघर्षमा साथ दिएको पनि उनले स्मरण गरेका छन्। स्व. राईले आफ्नो सरकारी नोकरी त्यागेको भए पनि कहिल्यै चुनाउमा टिकट अथवा पार्टीमा पदको आशा नगरेको उनले जानकारी दिएका छन्। अर्कोतिर, एसडीएफ अध्यक्ष चामलिङले स्व. राई जस्ता एक योग्य उम्मेदवारलाई चुनावी राजनीतिमा भाग लिने अवसर दिनु नपाएकोमा पछुतो पनि गरेका छन्। उनको नेतृत्व क्षमतालाई सम्मान गर्दै उनलाई नाम्ची नगर परिषद अध्यक्ष बनाउने निर्णय लिइएको पनि उनले अवगत गराएका छन्। संस्थापक अध्यक्षका रूपमा स्व. राईले नाम्चीको विकासमा महत्वपूर्ण योगदान दिएको र उनी नाम्चीको इतिहासमा सदैव अमर रहने उनले उल्लेख गरेका छन्। उनले शोक सन्तप्त परिवारमा समवेदना प्रकट गरेका छन्।

भारतीय भाषाहरूको भविष्य- नयाँ शिक्षानीतिको सन्दर्भमा’ एक दिवसीय ई-संगोष्ठी

भारतीय भाषाहरूको भविष्य- नयाँ शिक्षानीतिको सन्दर्भमा’ एक दिवसीय ई-संगोष्ठी

गान्तोक, 28 सेप्टेम्बर। आगामी १ अक्टूबर २०२० को दिन अपराह्न २ बजीदेखि सिक्किम-राज्य-विश्वविद्यालयको संस्कृत र नेपालीविभाग तथा सरकारी संस्कृतमहाविद्यालय साम्दोंग, संस्कृतभारती उत्तरबंगको संयुक्त-तत्त्वावधानमा ‘भारतीय-भाषाहरूको भविष्य- नयाँ शिक्षानीतिको सन्दर्भमा’ विषयक एकदिवसीय ई-संगोष्ठीको आयोजना गरिने निश्चय भएको छ। जसको गूगल मिट् तथा संस्कृतभारती उत्तरबंगप्रान्तको फेसबुकपेजममा सजीव प्रसारण हुनेछ। यस संगोष्ठीका संरक्षक सिक्किम-राज्य-विश्वविद्यालयका संस्थापक कुलपति  प्रो. गोपालकुमार निरौला छेत्री छन भने कार्यक्रमका संयोजक डॉ. प्रदीप शर्मा लुईटेल, सहसंयोजकको रूपमा डॉ. श्रीपारसमणि दंगाल तथा डॉ. श्रीकेशव पोख्रेल सामेल छन्। यस कार्यक्रमका मुख्यातिथि पञ्जाब तथा उदयपुर विश्वविद्यालयका पूर्वकुलपति परमादरणीय प्रो. एस.एस. चहल रहने छन्। वक्ताको क्रममा बीजवक्ता श्रीदिनेश कामथ तथा मुख्यवक्ताको रूपमा संस्कृतभारतीका पूर्व अध्यक्ष तथा वर्तमानमा संस्कृत-संवर्धन-प्रतिष्ठान, नयाँ दिल्लीका निदेशक एवं अनेकौ पुरस्कारले विभूषित डॉ. श्रीचाँदकिरण सलूजा रहनेछन्। त्यस्तै प्रकारले वक्ताको क्रममा बनारस हिन्दू विश्वविद्यालय वाराणसीबाट भारतीयभाषाका साथ नेपालीविभागका विभागाध्यक्ष, प्रो. श्रीदिवाकर प्रधान, सिक्किमबाट नरबहादुर-भण्डारी-डिग्री-महाविद्यालयका लिम्बू विषयका विभागाध्यक्ष डॉ. श्री ए.बी. लिम्बू, अनुसूचित जनजाति-संस्थानका विशेषप्रभार अधिकारी श्री टी. टी. लेप्चा एवं नरबहादुर–भण्डारी-डिग्री-महाविद्यालयका भोटिया-विषयका विभागाध्यक्ष श्रीनाम्डोल भोटिया सामेल रहने छन्।  भारतीयभाषा अर्थात् सिक्किममा विद्यमान भाषाहरूको विकास गर्नमा नयाँ शिक्षानीतिको के भूमिका रहने छ, यो शिक्षानीति २०२० लाई कसरी जनमानसमा पुर्याऊने तथा आउने दिनहरूमा यसलाई कसरी लागू गर्ने भन्ने यस ई-संगोष्ठीको मुख्योद्देश्य रहेको छ।

कोरोना भ्याक्सीन आउने वर्षको शुरुवातमा उपलब्ध हुनेछ- डा. हर्षवर्धन

कोरोना भ्याक्सीन आउने वर्षको शुरुवातमा उपलब्ध हुनेछ- डा. हर्षवर्धन

नयाँ दिल्ली, 28 सेप्टेम्बर (हिस)। केन्द्रिय स्वास्थ्य तथा परिवार कल्याण मन्त्री डा. हर्षवर्धनले कोरोनाबाट बचाउको निम्ति आगामी वर्षको तीन महिनासम्म भ्यास्कीन उपलब्ध हुने बताएका छन्। आयुर्विज्ञान अनुसन्धान परिषद (आईसीएमआर)को भ्याक्सीन वेब पोर्टल लाञ्च गरेको अवसरमा सोमबारको दिन डा. हर्षवर्धनले भने, ‘भ्याक्सीन विकसित गर्ने काम तीव्र गतिमा भइरहेको छ। अहिलेको समयमा देशमा तीन वटा भ्याक्सीन विकासमा द्रूत गतिमा काम भइरहेको छ। सबै भ्याक्सीन परीक्षणको विभिन्न चरणमा छन्। आशा छ कि कोरोनाबाट बचाउको निम्ति आगामी वर्ष पहिलो तीन महिनामा भ्याक्सीन उपलब्ध हुनेछ’। आईसीएमआरले सोमबार कोविड भ्याक्सीन वेब पोर्टल, मोबाइल स्ट्रोक यूनिट, नेशनल क्लीनिकल रजिस्ट्री फर कोविड-19को शुरुवात गरेको छ। यसै पोर्टलको माध्यमबाट मानिसहरूलाई अहिलेको समय चलिरहेको भ्याक्सीन विकाससँग सम्बन्धित जानकारी अनलाइन प्राप्त गराउन सकिनेछ। यस अवसरमा डा. हर्षवर्धनले भने, ‘आजको दिन आईसीएमआरको निम्ति ऐतिहासिक दिन हो। मलाई गर्व छ, मलाई आईसीएमआरको 100 सालको गौरवशाली इतिहासमा जारी गर्ने अवसर प्राप्त भयो। आईसीएमआरलाई अग्रणी पङ्तिमा लैजान वैज्ञानिकहरूको योगदानले नयाँ पीढीलाई प्रेरित गर्नेछ’।