कोरोना महामारीका कारण साधारण रूपमा मनाइने इन्द्र जात्रा

कोरोना महामारीका कारण साधारण रूपमा मनाइने इन्द्र जात्रा
Please Like and Share our website Samay Dainik

गान्तोक, 29 अगस्त (हिस)। सिक्किम नेवार गुठीले यो वर्ष इन्द्र जात्रा पर्व सदाझैं भव्यरूपमा नमनाउने निर्णय लिएको छ। वर्तमानमा कोरोना महामारीको प्रकोपलाई ध्यानमा राखेर गुठीले यस्तो निर्णय लिएको हो। उक्त जानकारी गुठीका अध्यक्ष दिलु कुमार प्रधानले आज एउटा प्रेस विज्ञप्ति जारी गरेर दिएका छन्। यो वर्ष आगामी 31 अगस्तको दिन इन्द्र जात्रा पर्व परेको छ। प्रेस विज्ञप्तिमा भनिएको छ, कोविड-19 महामारीलाई ध्यानमा राख्दै राज्य सरकारले धार्मिक कार्यक्रम अनि विशाल सम्मेलनहरू आयोजन सम्बन्धी विभिन्न दिशानिर्देशहरू जारी गरेको छ। नेवार समुदायका धेरै सदस्यहरूले इन्द्रजात्राको मुख्य आकर्षण कुमारी पूजा साधारणरूपमा मनाउने सुझाउ दिए। गुठीले राज्यका नेवारहरूको हित अनि सुरक्षालाई ध्यानमा राख्दै यो वर्ष इन्द्र जात्रा भव्यरूपमा नमनाउने निर्णय लियो। अर्कोतिर, यो वर्ष कुमारी पूजा भने आयोजन नगर्ने निर्णय लिइएको छ। यसकारण 1 सेप्टेम्बरको दिन सिच्छेस्थित नेवार गुठी भवनमा क्षमा याचाना पूजा आयोजन गरिने जानकारी दिइएको छ। उक्त पूजा सबै दिशानिर्देशहरूलाई ध्यानमा राखेर गरिने छ। सिक्किम नेवार गुठीले इन्द्र जात्रा 2020 को बधाई एवं शुभकामना पनि दिएको छ। गुठीले नेवार समुदायका चार सदस्यलाई राज्य सरकारका विभिन्न प्रतिष्ठित पदहरूमा मनोनित गरेकोमा मुख्यमन्त्री प्रेमसिंह तामाङप्रति आभार प्रकट गरेको छ।

कोरोना महामारीका कारण साधारण रूपमा मनाइने इन्द्र जात्रा


Please Like and Share our website Samay Dainik

Related posts

Leave a Comment