केन्द्रले गोर्खा जातिमाथि अवहेलना गरेको गोरामुमोको अनुभव

केन्द्रले गोर्खा जातिमाथि अवहेलना गरेको गोरामुमोको अनुभव

दार्जीलिङ, 7 अक्टोबर। गोर्खा राष्ट्रिय मुक्ति मोर्चाले केन्द्र सरकारले गोर्खा जातिमाथि अवहेलना गरेको अनुभव गरिरहेको छ। तर अबउसो यस जातिमाथि यस्तो खेलाँची नगरियोस् भन्ने पनि पार्टीले केन्द्र सरकारलाई अपील गरेको छ। आज गोरामुमो केन्द्रिय समितिको एक आपतकालीन बैठक भएको थियो, जसमा केन्द्र सरकारले आजको वार्ताबारे पठाएको पत्रबारे नै चर्चा भएको थियो। यसैबारे जानकारी गराउँदै गोरामुमो प्रवक्ता महेन्द्र छेत्रीले केन्द्रिय गृह मन्त्रालयले 48 घण्टाको अवधिभित्र 7 अक्टोबरको दिन गरिने वार्ताबारे दुइवटा पत्र पठाएर सम्पूर्ण गोर्खा जातिलाई अन्यौलमा पारेको बताए। यसका साथै उनले गोर्खा राष्ट्रिय मुक्ति मोर्चाले जीटीए (गोर्खाल्याण्ड टेरिटोरियल एड्मिनिस्ट्रेशन)-लाई पहिलादेखि नै विरोध गरेको बताउँदै आजको वार्ताबाट नै जीटीएलाई खारेज गर्ने पहल शुरू होस् भन्ने चाहेको पनि बताए। उनले भने-गोरामुमोले जीटीएको विरोध गरिरहेको छ, यसैले जीटीएको विषयमाथि भएको वार्तामा गोरामुमोले भाग लिने कुरै आएन। तर यस वार्तामा भाग लिने केन्द्र सरकार र विमल गुरूङपन्थी गोजमुमोले जीटीएलाई खारेज गर्ने पहल पनि शुरू गर्नुपर्छ। किनभने, जीटीएमा सम्झौता गर्ने केन्द्र सरकार र विमल गुरूङपन्थी गोजमुमो हुन्। यसैले जीटीएलाई खारेज गरेर वर्ष 2021-अघि नै दार्जीलिङको लागि स्थायी राजनैतिक समाधानको लागि ठोस पहल अनि वार्ता पनि शुरू गरियोस्।

कोभिड-19 सित सम्बन्धित उचित व्यवहारका लागि प्रधानमन्त्रीले जनआन्दोलन शुरु गर्ने

कोभिड-19 सित सम्बन्धित उचित व्यवहारका लागि प्रधानमन्त्रीले जनआन्दोलन शुरु गर्ने

नयाँ दिल्ली, 7 अक्टोबर 2020।प्रधानमन्त्री नरेन्द्र मोदीले 8 अक्टोबरको दिन ट्वीटको माध्यमद्वारा कोभिड-19 सित सम्बन्धित उचित व्यवहारबारे अभियान शुभारम्भ गर्नेछन्। आगामी चाड-पर्वका साथै हिउँदको मौसम र अर्थनीति पुनः खोल्ने प्रक्रियालाई ध्यानमा राख्दै यो अभियान शुरु गरिने भएको हो। जनमानसलाई जन आन्दोलनको निम्ति प्रोत्साहित गर्ने उद्देश्यका साथ यो अभियान शुरु गर्ने तय गरिएको हो। यो मास्क लगाउने, शारीरिक दूरी कायम राख्ने तथा हातको सर-सफाई कायम गर्ने जस्ता मुख्य सन्देशका साथ कम लागतको तर व्यापक प्रभावको पहल हुनेछ।सबैद्वारा कोभिड-19 विरुद्ध सङ्कल्प गरिनेछ। तल उल्लेखित बुँदाहरू अनुरूप केन्द्र सरकारको मन्त्रालय, विभागका साथै राज्य सरकार अनि केन्द्र शासित प्रदेशहरूद्वारा ठोस कार्ययोजना कार्यान्वयन गरिनेछ : • बढी सङ्क्रमण देखिएका जिल्लाहरूमा क्षेत्र विशेष सञ्चार साधन, • प्रत्येक नागरिकले सजिलै बुझ्ने सरल सन्देशहरू, • सबै सञ्चार माध्यमको सहयोगमा देशव्यापी रूपमा प्रसारण, • सबै सार्वजनिक स्थलमा पोस्टर अनि ब्यानर टाँगिनेछ; सबै अग्रपङ्क्तिका कर्मचारीहरूलाई सामेल गर्दै सरकारी योजनाका लाभार्थीहरूलाई लक्षित गरिनेछ, • सरकारी परिसरहरूमा होर्डिङ, भित्तेचित्र, ईलेक्ट्रनिक प्रदर्शनी बोर्ड लगाइनेछ, • सन्देश प्रसारित गर्न स्थानीय साथै राष्ट्रिय दूतहरू संलग्न गरिनेछ, • नियमित रूपमा जागरूकता फैलाउन मोबाइल भ्यान गुडाइनेछ, • जागरूकताबारे श्रव्य सन्देश, पर्चा, ब्रुसर बाँडिनेछ, • कोभिडबारे सन्देश प्रसारित गर्न स्थानीय केबल अपरेटरहरूको सहयोग लिइनेछ, • प्रभावी लोक सम्पर्कका साथ असरदार बनाउन समन्वित रूपमा सञ्चार अभियान चलाइनेछ। (पीआइबी)

सिलगढी महकुमा अन्तर्गत तराईको लालपुल बाँध अहिले निकै लोभलाग्दो र आकर्षक बनेर गएको छ

सिलगढी महकुमा अन्तर्गत तराईको लालपुल बाँध अहिले निकै लोभलाग्दो र आकर्षक बनेर गएको छ

दीप मिलन प्रधान , मिरिक ५ अक्टोबर , सिलगढी महकुमा अन्तर्गत तराईको लालपुल बाँध अहिले निकै लोभलाग्दो र आकर्षक बनेर गएको छ । पर्यटकहरुलाई दैनिक बोलाइरहेको छ । पर्यटकहरुको आकर्षणको केन्द्रबिन्दु बन्न थालेको दैनिकरुपमा सिलगढी लगायत विभिन्न स्थानबाट लालपुल बाँधमा पर्यटकहरु अधिक सङ्ख्यमा देखिन थालेको छ । लालपुल बाँधको आकार्षण लक डाउन शुरु भएपछि बढ्न थालेको हो । यसअघि लालपसल बाँधमा मानिसहरु यसरी देखिदैन थियो । अहिले स्थानीय लालपुल क्षेत्रका मानिसहरुलाई रोजगारको एउटा आधार लालपुल बाँधले दिन थालेको छ । एकान्त अनि प्राकृतिकरुपले आकर्षक ठाउँ त छँदैछ तर लालपुलमा बग्ने खोला अनि बाँधले सृजना गरेको झील अनि झरणा जस्तो पानीको बहाव मुख्य आकार्षण बनेको छ । लालपुल बाँधले अर्को पर्यटन स्थलको जग बसाल्न थालेको देखिन्छ।

सामाजिक सशक्तिकरणका लागि उत्तरदायी आर्टिफिसियल इन्टेलिजेन्स  

सामाजिक सशक्तिकरणका लागि उत्तरदायी आर्टिफिसियल इन्टेलिजेन्स  

रविशङ्कर प्रसाद डिजिटल भारतको सफलताले समावेशी विकास, सुशासन तथा आम नागरिकको सशक्तिकरणका लागि डिजिटल प्रविधिलाई प्रभावित गर्ने नयाँ वैश्विक मापदण्ड अख्तियार गरेको छ। केही वर्ष अघिसम्म सम्भ्रान्त वर्गको निम्ति मात्र विलासको वस्तु रहेको डिजिटल प्रविधिका फाइदाहरू जनसाधारणको निम्ति सजिलै उपलब्ध हुनथालेको छ। द्रूत गतिमा परिवर्तन भइरहेको प्रविधिका लागि प्रणालीको निरन्तर उन्नति, तेज अनि पर्याप्त नियामक अनुक्रियाका साथमा आइपर्ने चुनौतीहरूको सामना गर्न क्षमता विकास आवश्यक पर्दछ। आर्टिफिसियल इन्टेलिजेन्सको (एआइ)) उद्भव वृद्धिशील परिवर्तन मात्र नभएर, प्रविधिको क्षेत्रमा रूपान्तरणकारी फड्को हो, जसलाई सर्वव्यापी रूपमा आत्मसात गर्दै मानवताको हितका लागि दोहन गर्नुपर्नेछ। कुनै पनि आर्टिफिसियल इन्टेलिजेन्स प्रणालीको निम्ति तथ्याङ्क बुनियादी आधार हो। भारतमा 70 करोड इन्टरनेट उपभोक्ता, 1.21 अरब फोन प्रयोगकर्ता तथा 1.26 अरब आधार प्रयोगकर्ताले प्रतिदिन व्यापक मात्रामा तथ्याङ्क सिर्जना गर्दछन्। विश्वका केही प्रमुख इन्टरनेट कम्पनीका सर्वाधिक उपयोगकर्ता भारतमा छन्। यसका साथै विश्वमा सबैभन्दा सुपथ दरमा इन्टरनेट सेवा भारतले उपलब्ध गराउँदछ। विश्वमा आफ्नो क्षमता साबित गरिसकेको भारतीय आइटी क्षेत्रले सक्षम मानव संसाधनको उपलब्धता सुनिश्चित गर्दछ। नागरिकहरूको जीवनमा सुधार ल्याउन सधैं प्रोत्साहित गर्ने प्रधानमन्त्री मन्त्रीको नेतृत्त्वका साथमा यसले भारतमा आर्टिफिसियल इन्टेलिजेन्सको क्रान्ति ल्याउने निश्चित छ। भारत सरकारद्वारा 2018 मा, राष्ट्रिय एआइ रणनीति प्रकाशित गरियो। त्यस उपरान्त देशमा सुदृढ एआइ परिवेश विकास गर्न ईलेक्ट्रनिक्स तथा आइटी मन्त्रालयले अनेकौं कदम चालेको छ। स,रकारी विभागहरूमा विशेषज्ञ तथ्याङ्क… Read More

पूर्वोत्तरको संसाधन अनि विविधताका साथै प्रविधि अनि सक्षमताले दिव्याङ्गहरूको हितमा आत्मनिर्भर भारतलाई अग्रसर गराउने विशेषज्ञहरूको दाबी

पूर्वोत्तरको संसाधन अनि विविधताका साथै प्रविधि अनि सक्षमताले दिव्याङ्गहरूको हितमा आत्मनिर्भर भारतलाई अग्रसर गराउने विशेषज्ञहरूको दाबी

पूर्वोत्तरमा प्रविधिको शुरुवाती प्रयोगले दिव्याङ्गहरूको सशक्तिकरणमा उल्लेखनीय परिवर्तन ल्याएको छ : पद्मश्री उद्धवकुमार भराली केन्द्र सरकारको पहलले दिव्याङ्गहरूको सामाजिक-आर्थिक विकासलाई टेवा प्रदान गरिरहेको छ : पद्मश्री नरेशचन्दर लाल गान्तोक, 5 अक्टोबर 2020। पूर्वोत्तरको संसाधन अनि विविधताका साथै प्रविधि अनि सक्षमताले दिव्याङ्गहरूको हितमा आत्मनिर्भर भारतलाई अग्रसर गराउने दाबी पत्र सूचना कार्यालय, गुवाहाटीद्वारा “महात्मा गान्धीको 150 औं जन्म जयन्ती – दिव्याङ्गहरूको सामाजिक-आर्थिक विकासका लागि आत्मनिर्भर भारतलाई गति प्रदान गर्ने” विषयमा आयोजित वेबिनारमा विशेषज्ञहरूले गरे। उद्योग जगत्, सरकारी क्षेत्रका साथै शिक्षाविद्हरूले बहुक्षेत्रीय साथै नीतिगत दृष्टिकोणको सम्भावनाबारे चर्चा-परिचर्चा अनि विमर्श गरे। पूर्वोत्तरको चुनौती तथा केन्द्र सरकारको पहलबारे उदाहरण प्रस्तुत गर्दै पद्मश्री उद्धवकुमार भरालीले महात्मा गान्धीको 150 औं जन्म जयन्तीले नागरिकहरूमा समाजको हरेक तप्काको सर्वव्यापी विकासका लागि अरू बढी काम गर्ने जिम्मेवारी दिएको बताए। प्रविधि अनि सिर्जनशीलताले दिव्याङ्गहरूको सामाजिक-आर्थिक विकासमा महत् भूमिका खेल्ने आसमको लखिमपुर जिल्लाका बासिन्दा भरालीले बताए। दिव्याङ्गहरूलाई आत्मनिर्भर बनाउन खुवाउने यन्त्र, घुँडाका लागि चप्पल, सफा गर्ने यन्त्र, घाँस काट्ने यन्त्रका साथा सुपारी, लसुन, कदम, नरियल, मुसलीको बोक्रा ताछ्ने मशिन जस्ता प्रविधिको रचनात्मक प्रयोगद्वारा दिव्याङ्गहरूलाई सशक्त बनाउने माध्यम रहेको उनले बताए। पूर्वोत्तरमा प्रविधिको शुरुवाती प्रयोगले दिव्याङ्गहरूको सशक्तिकरणमा उल्लेखनीय परिवर्तन ल्याएको पनि उनले दाबी गरे। यसै गरी चर्चामा भाग लिँदै पद्मश्री नरेशचन्दर लालले भने, “केन्द्र सरकारको पहलहरूले दिव्याङ्गहरूको सामाजिक-आर्थिक विकासलाई टेवा दिइरहेको छ।” दिव्याङ्ग… Read More

7 अक्टोबरको वार्ता गोर्खाल्याण्ड होइन, जीटीएबारे हुनेछ

7 अक्टोबरको वार्ता गोर्खाल्याण्ड होइन, जीटीएबारे हुनेछ

पहाड़मा विभिन्न प्रतिक्रिया दार्जीलिङ, 5 सेप्टेम्बर। गोर्खा जातिमाथि खेलाँची गरिएको हो? आज केन्द्रिय गृह मन्त्रालयले संशोधन पत्र जारी गरी 7 अक्टोबरको दिन हुने वार्ता गोर्खाल्याण्डसित सम्बन्धित विषयबारे नभएर जीटीए (गोर्खाल्याण्ड टेरिटोरियल एड्मिनिस्ट्रेशन)-सित सम्बन्धित विषयबारे हुने बताइएको छ। आज 5 अक्टोबरकै दिन सीएस-2 निर्देशक रेणु सरिनद्वारा जारी गरिएको यो पत्र सार्वजनिक हुनसाथ दार्जीलिङ पहाड़मा विभिन्न प्रतिक्रिया अघि आन थालेको छ। यो पत्रमा भनिएको छ-गत 3 अक्टोबरको दिन जारी गरिएको पत्रको शीर्षकलाई गोर्खाल्याण्ड टेरिटोरियल एड्मिनिस्ट्रेशनद्वारा सम्बन्धित विषयमाथि भनेर पढ़्नपर्छ। गत 3 अक्टोबरको दिन जारी गरिएको पत्रमा 7 अक्टोबरको दिन गोर्खाल्याण्डसित सम्बन्धित विषयहरूमाथि वार्ता गरिने भनिएको थियो। तर आज यसलाई संशोधन गरिएको छ। जसमा वार्ताको स्थान, समय र मिति 3 अक्टोबरको दिन पठाइएको पत्रमा उल्लेख गरअनुसार नै हुने पनि उल्लेख गरिएको छ। यसबारे यो समाचार लेख्दासम्म विमल गुरूङपन्थी गोजमुमोले कुनै प्रतिक्रिया दिएको छैन भने क्रामाकपाले जीटीएमाथि वार्ता हुने हो भने वार्तामा भाग नलिने बताएको छ। यसरी नै गोरामुमोले वार्ताको दिन नै एक बैठक गरेर उचित निर्णय लिने बताएको छ। गत 3 अक्टोबरको दिन केन्द्रिय गृह मन्त्रालयले विमल गुरूङपन्थी गोजमुमोलाई 7 अक्टोबरको दिन गोर्खाल्याण्डसित सम्बन्धित वार्ता गर्ने भनेर एक पत्र पठाएपछि विमलपन्थी गोजमुमोले यस वार्तामा क्रामाकपा र गोरामुमोलाई पनि लाने निर्णय लिएको थियो अनि आज बिहान मात्रै यी दुइ पार्टीका अध्यक्षद्वय मन घिसिङ र… Read More

7 अक्टोबर दिल्लीमा गोर्खाल्याण्डमाथि वार्ता

7 अक्टोबर दिल्लीमा गोर्खाल्याण्डमाथि वार्ता

विमलपन्थी गोजमुमोलाई निम्तो दार्जीलिङ, 4 सेप्टेम्बर। केन्द्र सरकारले आगामी 7 अक्टोबरको दिन गोर्खाल्याण्ड विषयमाथि नै एक वार्ता गर्ने घो,णा गऱ्यो। जसमा भाग लिनको लागि गोर्खा जनमुक्ति मोर्चा अध्यक्ष, सिंहमारी, नर्थ पोइण्ट, दार्जीलिङ, गृह सचिव पश्चिम बंगाल सरकार, दार्जीलिङका जिल्लापाल अनि जीटीएका मुख्य सचिवलाई बोलाइएको छ। डाइरेक्टर सीएस-2 रेणु सरिनद्वारा जारी गरिएको यस पत्रमा आगामी 7 अक्टोबरको बिहान 11 बजी नयाँ दिल्लीको नर्थ ब्लकको 119 नम्बर रूममा बैठक गरिने भएको उल्लेख गरिएको छ भने यसको अध्यक्षता केन्द्रिय गृह राज्यमन्त्री जी किशन रेड्डीले गर्ने भएको पनि बताइएको छ। गोजमुमो सिंहमारी नर्थ पोइण्टको सोझो अर्थ विमल गुरूङपन्थी गोजमुमोलाई यस वार्तामा बोलाइएको स्पष्ट भएको छ। किनभने, विमलपन्थी गोजमुमोको मुख्य कार्यालय सिंहमारी नर्थ पोइण्टमा अवस्थित छ भने हाल यो कार्यालय राज्य सरकारले आफ्नो अधीनमा लिएको छ। विनय तामाङपन्थी गोजमुमोको मुख्य कार्यालय जज बजार दार्जीलिङमा अवस्थित छ, यसैले यस पत्रमा सिंहमारी लेखिएको कारण यस वार्तामा विमल गुरूङपन्थी गोजमुमोलाई नै बोलाइएको हो भन्ने स्पष्ट भएको छ। यसबारे विनय तामाङपन्थी गोजमुमो दार्जीलिङ महकुमा समितिका अध्यक्ष आलोक कान्तमणि थुलुङसित सम्पर्क गर्दा उनले यसबारे पार्टीमा चर्चा गरेपछि मात्रै केही मन्तव्य गर्न सकिने बताए। यद्यपि, गोर्खा राष्ट्रिय मुक्ति मोर्चा नेता अजय एड्वर्डले गोर्खाल्याण्ड विषयबारे बोलाइएको बैठकमा केवल गोर्खा जनमुक्ति मोर्चालाई मात्रै बोलाइएकोमा स्वयं हत्प्रभ भएको बताउँदै भने-दार्जीलिङका सांसद राजु विष्टले गोर्खाल्याण्डबारे… Read More

फाँसी अघि पनि बलात्कारीहरुपाई कडा यातना दिनु पर्छ :नारी मोर्चा,कालेबुङ जिल्ला समिति

फाँसी अघि पनि बलात्कारीहरुपाई कडा यातना दिनु पर्छ :नारी मोर्चा,कालेबुङ जिल्ला समिति

बलात्कार विरुद्ध दिइने फाँसीको सजाय पर्याप्त छैन कालेबुङ-०३(अक्टोबर)-उत्तर प्रदेशको हाथरसमा एकजना किशोरीमाथि भएको बलत्कार एवम् हत्याको विरोध जनाउँदै आज साँझ गोर्खा जनमुक्ति नारी मोर्चा कालेबुङ जिल्ला समितिले क्यान्डल जुलुस निकालेको छ।गोजनामो कालेबुङ जिल्ला समितिका सदस्यहरूले हाथरस काण्डका सम्पूर्ण अपराधीहरूलाई शीघ्र कडा कार्वाही गर्नुपर्ने माग गर्दै क्यान्डल जुलुस गरेर सहर परिक्रमा गरेको छ। यश विषयलाई लिएर गोर्खा जनमुक्ति नारी मोर्चा कालेबुङ जिल्ला समितिका प्रमुख सल्लाहकार सुषमा लामाले उत्तर प्रदेशमा घटेको घटना अति नै दुखदायी र क्रुर भनी बताइन्। यस घटनालाई लिएर सम्पूर्ण नारीहरू एकखभएर यसप्रकारको अत्याचार र नारी शोषणको विरुद्धमा आज साँझ सहरमा उपस्थित रहेर क्यान्डल जुलुससहित विरोध प्रदर्शन गरेको बताइन्। यसप्रकारको घटना “देशमा किन दिनौदिन यसप्रकारको घटना बढिरहेको छ? किन सरकारले यस्तो नारी उत्पीडनको विरुद्धमा कडा नियम बनाउँदैन?´तिनले प्रश्न गरिन्। उत्तर प्रदेशको घटनामा संलग्न आरोपीहरूलाई कडा यातनासहित फाँसीको सजाय हुनुपर्ने पनि तिनले माग गरिन्।

टाफिल पैह्रो: एकजना महिलाको शव उद्घार, अर्की महिलाको खुट्टा मात्रै भेटियो, तीन जना गम्भीर घाइते

टाफिल पैह्रो: एकजना महिलाको शव उद्घार, अर्की महिलाको खुट्टा मात्रै भेटियो, तीन जना गम्भीर घाइते

सोरेङ, ३ अक्टोबर (सरोज गुरुङ) शुक्रबार राति दुई घण्टा परेको मुसलधारे पानीले पश्चिम जिल्लाको टाफिलमा एकजना महिलाको ज्यान लिएको छ। अर्को एकजना महिलाको एउटा खुट्टा मात्रै भेटिएको छ।टाफिल गाउँ सोरेङ महकुमाको रिञ्चेपोङ समष्टिस्थित साम्दुङ-शिरिबदम ब्लक अन्तर्गत पर्छन्। हिजो रातिको अनुमानित ८ बजेर ३० मिनेटतिर सडक छेउबाट पड्केर गएको पैह्रोले दुईवटा घर पूर्णरूपले क्षतिग्रस्त बनाएको थियो। ती घरहरु टाफिल निवासी साङ्चो लेप्चा र उनको छोरा डुकनम लेप्चाका हुन्। उनीहरुको घर पैह्रोको ताण्डवले माटोमा मिलाएको छ। पैह्रोले बगाएर लगेका नरमित लेप्चा (६१)-को शव आज दिउँसो उद्घारमर्कीले उद्घार गरेका थिए। यद्यपि निखोज बनेकी अर्को महिला पोमकित लेप्चा (६४)-को एउटा खुट्टा मात्र यो समाचार सम्प्रेषण गर्दा भेटियो थियो। अर्कोतिर उक्त पैह्रोको चपेटामा परेर गम्भीर घाइते बनेका तीनजनालाई उद्घार गरि उपचारको निम्ति नाम्ची जिल्ला अस्पताल रेफर गरिएको जानकारी सोरेङका महकुमा अधिकारी रञ्जन राईले यस संवाददातालाई दिएका छन्। घाइतेहरुमा डुकनम लेप्चा (३१) र उनकी पत्नी लाकित लेप्चा (२८) अनि सोमदेन लेप्चा (१०) रहेका छन्। उद्घार कार्यमा एसडीआरएफ, प्रशासन, पुलिस, स्थानीय पञ्चायत र गाउँलेहरुको संयुक्तरूपमा जुटेको पनि महकुमा अधिकारीले थप जानकारी दिएका छन्। यस पैह्रोको चपेटामा परेर चारवटा गाई पनि मारिएको बताइएको छ। आज घटना स्थलको स्थलगत भ्रमण महकुमा अधिकारी रञ्जन राई, आरओएडी बीबी राई, कृषि र पशुपालन विभागका सम्बन्धित अधिकारी, स्थानीय पञ्चायत, सम्बन्धित समष्टिका सत्तारूढ पार्टीका… Read More