जिम्बाको बयान मर्यादाको उल्लङ्घन पनि

जिम्बाको बयान मर्यादाको उल्लङ्घन पनि

वर्ष 2020 -मा विश्वभरि नै सबैभन्दा बढ्ता प्रयुक्त शब्द ‘कोरोना’ हो। अझ आगामी कति दिन, महीना वा वर्षसम्म यो शब्द विश्‍वव्यापी चर्चाको विषय रहने हो, त्यो यसै भन्नसकिन्न। तर कोरोनाको कहरबीचमा पनि कतिपय मुद्दाहरू सतहमा आए, जुन तीव्र गतिमा बद्लँदो समय र कोरोनाको महामारीको तीव्रतामा मत्थर भएर गइरहेको आभास भए पनि त्यसले समाजलाई पार्ने प्रभाव आउँदा दिनहरूमा देखिनेछ। सिक्किमको सन्दर्भमा, लकडाउन खोलिएपछि कोरोनाको प्रकोपमा आएको तीव्रता, दार्जीलिङका विधायक नीरज जिम्बाको बयान, 1600 नियुक्ति आदि विषयहरू छन्, जसले सिक्किमलाई भित्री रूपमा असर पारिरहेको छ र पारिरहनेछ। नीरज जिम्बाको बयानको सन्दर्भमा चर्चा गर्दा यो केवल एउटा राज्यका नेताद्वारा अर्को राज्यका जनताप्रतिको कटाक्ष मात्र नभएर अर्को राज्यको राजनीतिमा दलीय पक्षधरताको पनि घटना हो। जिम्बाले आफ्नो पहिलो बयानमा सिक्किममा समग्र रूपमा घर छाउने च्यादर (जस्ता पाता) -को जनवितरण प्रणालीलाई आलोचना गरेका थिए। सिक्किमेली जनता च्यादरको लागि ‘बिक्ने गरेको’ उनको आरोप थियो। बाह्य रूपमा हेर्दा उनले च्यादरको राजनीतिको विरोध गरेजस्तो देखिए पनि सिक्किममा जनतालाई घर छाउनलाई सरकारबाट दिइने च्यादर भण्डारीको पालामा शुरू गरिएको भए पनि चामलिङ सरकारमा यसलाई 25 वर्ष निरन्तरता दिइयो र ‘जनता मेला’ मार्फत जनतालाई बर्सेनि च्यादरलगायत अन्यान्य सहुलियतहरू, जस्तै ग्यास सिलिण्डर, प्रेसर कूकर, खेतीपातीका सरजाम, घर मरम्मती खर्च एसडीएफको सरकारमा प्रचुर मात्रामा वितरण गरियो। जिम्बालाई सिक्किमको विकास योजनासँग किन आक्रोश? भन्ने प्रश्‍न… Read More

देशमा कोरोना रोगीहरूको संख्या 18 लाखमाथि 

देशमा कोरोना रोगीहरूको संख्या 18 लाखमाथि 

नयाँ दिल्ली, 03 अगस्त (हिस)। देशमा कोरोना रोगीहरूको संख्या 18 लाखमाथि पुगेको छ। गत 24 घण्टामा कोरोनाको 52,972 नयाँ मामिला अघि आएको छ। यसका साथै कोरोना रोगीहरूको संख्या बढ़ेर 18,03,696 पुगेको छ। त्यही, कोरोनाले गत 24 घण्टामा 771 जनाको मृत्यु भयो। यसका साथै यस रोगबाट मर्नेहरूको संख्या 38,135 सम्म पुगेको छ। केन्द्रिय स्वास्थ्य मन्त्रालयद्वारा सोमबार जारी आंकड़ाहरू अनुसार, देशमा 5,79,357 सक्रिय रोगी छन्। त्यही, देशमा गत 24 घण्टामा 40,573 रोगी स्वस्थ भएका छन्। यसका साथै कोरोनाबाट अहिलेसम्म 11,86,203 रोगी स्वस्थ भईसकेका छन्। देशको रिकवरी रेट बढ़ेर 65.76 प्रतिशत भएको छ।

भारत-चीनबीच 10 घण्टाको वार्ता परिणाम बिनै टुंगियो 

भारत-चीनबीच 10 घण्टाको वार्ता परिणाम बिनै टुंगियो 

नयाँ दिल्ली, 03 अगस्त (हिस)। भारत र चीनका सैन्य कमाण्डरहरूबीच पाँचौं चरणको अहम बैठक लगभग 10 घण्टासम्म चल्यो तर पूर्वी लद्दाखको डेप्साङ मैदानी क्षेत्र, पेङ्गोङ झील र गोगरा-हट स्प्रिङ्ग्स क्षेत्रको विवादित मुद्दाहरूको कुनै समाधान निस्केन। आइतबार बिहान लगभग 11 बजीदेखि यो बैठक लद्दाखमा चीनतिर स्थित मोल्डोमा भयो। तीनै क्षेत्रबाट चीन पछि हट्न तयार छैन, यसैले एक पल्ट फेरि भारतले कड़ाईको साथ एलएसीमा 05 मई पहिलेको स्थिति बहाल नगरी अब अघि चीनसित वार्ता नहुने भन्यो। भारतको तर्फबाट सेनाको 14औं कोरका कमाण्डर लेफ्टिनेन्ट जनरल हरिन्दर सिंह र चीनको तर्फबाट दक्षिण शिनजियाङको सैन्य जिल्ला प्रमुख मेजर जनरल लियू लिन आइतबार बिहान 11 बजीतिर चीनतरि स्थित मोल्डोमा पुनः मुखामुखी बसे। यो बैठक राति लगभग 9 बजी समाप्त भयो। 10 घण्टाभन्दा अधिक समयसम्म चलेको बैठकमा चीन र भारतका कोर कमाण्डरहरूले पूर्वी लद्दाखको डेप्साङ मैदानी क्षेत्र, पेङ्गोङ झील र गोगरा-हट स्प्रिङ्ग्स क्षेत्रको विवादित मुद्दाहरूमाथि चर्चा गरे। भारतले चीनलाई पेङ्गोङ क्षेत्रबाट पूरै हट्नलाई भन्यो किनभने भारत र चीनबीच पेङ्गोङ झीलको उत्तरी तट मुख्य समस्या बनेको छ। 14 जुलाईमा बसेको चौथो चरणको बैठकमा पनि चीनसित पेङ्गोङ झील र फिङ्गर क्षेत्रलाई पूर्ण रूपमा खाली गराउनमाथि चर्चा भएको थियो, जसमा सहमति पनि बनेको थियो तर यी 20 दिनभित्र चीनले पछि हट्नको साटो यस क्षेत्रमा नयाँ तैनाती गरेको छ। सेटेलाइटमा कैद… Read More

मन्दिरको निर्माण, मूल्य-मान्यताको प्रतिष्ठापन

मन्दिरको निर्माण, मूल्य-मान्यताको प्रतिष्ठापन

केही दिनभित्र अयोध्यामा ऐतिहासिक घटनाको हामी साक्षी बन्नेछौं। त्यो घटना जसले हामीलाई हाम्रो समृद्ध सांस्कृतिक धरोहरसँग साक्षात्कार गराउनेछ। जुन घटनाले करिब दुई हजार सालअघि लेखिएको शाश्वत् महाकाव्यको स्मरण गराउनेछ, जुन हाम्रो सामूहिक चेतनाको अंश बनेको छ। त्यो घटना, जसले हामीलाई अभिमन्त्रित गराउनेछ, जहाँ ती अनुकरणीय व्यक्तित्त्व, असाधारण व्यक्ति तथा ईश्वरको रूपमा भक्ति गरिने व्यक्ति, जुन व्यक्तिको जीवन मूल्य सामाजिक व्यवस्था कायम गर्न महत्त्वपूर्ण छ, उनको निम्ति मन्दिर निर्माण गरिनेछ।यो स्वतःस्फूर्त रूपमा उत्सव मनाउने र विगतका प्रतिष्ठालाई साक्षात् बनाउँदै हामीले अनुपालन गर्ने मूल्य मान्यता प्रतिष्ठापित गर्ने अवसर पनि हो। वास्तवमा, यदि हामीले रामायणको सारतत्त्व सही अर्थमा बुझ्दै धार्मिक आचार व्यवहारबारे भारतीय दर्शन चेतना सही अर्थमा बुझ्ने कोशिश गरे, यस क्षणले सामाजिक-आध्यात्मिक पुनरूद्धारतर्फ अग्रगमन गराउन सक्नेछ। रामायणले सम्पुटित गर्ने परिकल्पना कति सर्वव्यापी छ भने यसले दक्षिणपूर्वी एशियाका अनेकौं मुलुकमा विराट् अनि सुस्पष्ट प्रभाव छोडेका छन्। वेद अनि संस्कृतका ज्ञाता आर्थर एन्थोनी म्याकडोनेल अनुसार भारतीय शास्त्रहरूमा उल्लेखित रामको आदर्श पन्धनिरपेक्ष स्वरूपमा हुनका साथै त्यसको प्रभाव जनमानसमा अढाई सहस्राब्दीभन्दा धेरै समयदेखि रहँदै आएको छ। रामायणले अनेकौं कवि, नाटककार, नर्तक, सङ्गीतकार तथा लोक कलाकारहरूलाई भारतमा मात्र नभएर दक्षिणपूर्वी एशियाली मुलुकहरू जस्तै जाभा, बाली, मलाया, बर्मा, थाइल्याण्ड, कम्बोडिया अनि लाओसका जनमानसलाई आकर्षित गरेको छ। थाइल्याण्ड जस्ता देशमा राजाहरूको नामाकरण राममाथि गरिन्छ भने चौधौं शताब्दीतिर स्थापित अधिराज्यको… Read More

हाम्रो माग स्थायी राजनीतिक समाधान हो, बैठकमा हामी सहभागी बन्दैनौं: रोशन गिरी

हाम्रो माग स्थायी राजनीतिक समाधान हो, बैठकमा हामी सहभागी बन्दैनौं: रोशन गिरी

गान्तोक, 30 जुलाईः केन्द्रिय गृह मन्त्रालयकी निदेशक (सीएस-2) रेनु सरिनद्वारा गोर्खाल्याण्ड टेरिटोरियल एडमिनिस्ट्रेशन (जीटीए)-सित सम्बन्धि मुद्दालाई केन्द्र गरी आगामी 7 अगस्तको दिन नयाँ दिल्लीको नर्थ ब्लकस्थित कोठा सङ्ख्या-119 मा गृह सचिवको अध्यक्षतामा सम्पन्न हुने बैठकमा सहभागी हुन पश्चिम बङ्गालका गृह सचिव, दार्जीलिङका जिल्लाशासक, जीटीएका प्रधान सचिव, जीटीएका मुख्य कार्यपालका प्रतिनिधि, गोर्खा जनमुक्ति मोर्चाका प्रतिनिधिलाई पत्राचार गरेपछि सामाजिक सञ्जालमा यस विषय लिएर निकै तनातनी भइरहेको छ। यसै सन्दर्भमा गोजमुमो (विमलपन्थी)-का महासचिव रोशन गिरीले एक बयान जारी गरेर स्पष्टीकरण दिएका छन्। महासचिव गिरीले लेखेको बयानमा आफ्नो पार्टीले केन्द्र सरकारसमक्ष बारम्बार स्थायी राजनीतिक समाधानका लागि बैठक डाक्न निवेदन गर्दै आएको बताएका छन्। “हामीले केन्द्र सरकारसँग बारम्बार स्थायी राजनीतिक समाधानको निम्ति वार्ता डाक्न निवेदन गरेका हौं, जीटीए व्यवस्थाको समीक्षा गर्नलाई होइन। गत 29 जनवरी, 2015 मा जीटीएको अन्तिम समीक्षा सभा भएको थियो। आज आएर पाँच वर्ष पछाडि त्यो व्यवस्थाको समीक्षा सभा गर्नु कुनै औचित्य रहँदैन। जीटीएका मुख्य कार्यपाललगायत हामी सबै सभासद्ले 23 जून, 2017 मै जीटीए पदत्याग गरेका हौं।” भाजपाले आफ्नो सङ्कल्प पत्रमा पनि गोर्खा जनमुक्ति मोर्चा (विमलपन्थी) पार्टीको मुद्दा स्थायी राजनैतिक समाधान तथा छुटेका 11 जातगोष्ठीलाई जनजातिको मान्यता प्रदान गर्ने विषयलाई समावेश गरेको गिरीले उल्लेख गरेका छन्। “सङ्कल्प पत्रमा जीटीएको कहीँकतै उल्लेख छैन। हाम्रो केन्द्र सरकारसँग वार्ता स्थायी राजनैतिक समाधान र छुटेका 11… Read More

7 अगस्त जीटीएबारे त्रिपक्षीय वार्ता-जीटीएका चीफ एक्जिक्यूटिव, गोजमुमोलाई निम्तो

7 अगस्त जीटीएबारे त्रिपक्षीय वार्ता-जीटीएका चीफ एक्जिक्यूटिव, गोजमुमोलाई निम्तो

दार्जीलिङ, 30 जुलाई।(मोहन लामा) केन्द्र सरकारले जीटीए (गोर्खाल्याण्ड टेरिटोरियल एड्मिनिस्ट्रेशन)-को विषय लिएर आगामी 7 अगस्तको दिन त्रिपक्षीय वार्ता गर्ने निर्णय लियो। 7 अगस्त 2020-को अपरान्ह 3 बजी दिल्लीस्थित नर्थ ब्लकको रूम नम्बर 119-मा आयोजना गरिने भएको यस बैठकमा पश्‍चिम बंगालका गृह सचिव, दार्जीलिङका जिल्लापाल, जीटीएका मुख्य सचिव, जीटीएका चीफ एक्जिक्यूटिव अनि गोर्खा जनमुक्ति मोर्चाका प्रतिनिधिलाई उपस्थित हुने अपील गरिएको छ। यस पत्रको प्रतिलिपि जीटीएका चीफ एक्जिक्यूटिवलाई जीटीएका मुख्य सचिवको हातबाट दिने अनि गोजमुमोका प्रतिनिधिलाई जिल्लापालको हातबाट दिने पनि अपील गरिएको छ। तर यहाँ गोर्खा जनमुक्ति मोर्चा कुन खेमा हो, त्यो केही लेखिएको छैन। यति मात्रै होइन, यस निमन्त्रणा पत्रमा गत लोकसभा चुनाउमा दार्जीलिङ आसनबाट भाजपालाई सहयोग प्रदान गर्ने गोर्खा राष्ट्रिय मुक्ति मोर्चा, क्रान्तिकारी मार्क्सवादी कम्युनिष्ट पार्टी आदिको नाम उल्लेख गरिएको छैन। जीटीएको विषय लिएर गरिने यस समीक्षा बैठक भनिएको पत्र 27 जुलाईको दिन जारी गरिएको हो। जसमा आगामी 7 अगस्तको दिन त्रिपक्षीय वार्ता तय गरिएको बताइएको छ। स्मरण गराइन्छ, गत केही दिनअघि मात्रै गोजमुमो विमल गुरूङ खेमाका दुइ सदस्यीय प्रतिनिधि टोलीले केन्द्रिय गृहमन्त्री अमित शाहसित दिल्लीमा भेट गरेको फोटो सार्वजनिक गरेका थिए अनि 15 दिनभित्र त्रिपक्षीय वार्ताको लागि राज्य सरकार, गोजमुमोलाई पत्राचार गर्ने दावी गरेका थिए। यति मात्रै होइन, गोर्खा राष्ट्रिय मुक्ति मोर्चा अध्यक्ष मन घिसिङ र पार्टीका शीर्ष नेता… Read More

कोरोनाविरुद्ध सङ्घर्षरत हाम्रा अग्रिमपंक्तिका योद्धाहरूलाई एउटा पत्र

कोरोनाविरुद्ध सङ्घर्षरत हाम्रा अग्रिमपंक्तिका योद्धाहरूलाई एउटा पत्र

प्रिय कोभिड-19 अग्रपङ्क्तिका योद्धाहरू, सृष्टिका जम्मै प्राणीहरूमा मानव आफ्ना समस्त योग्यता अनि विशेषाधिकारहरूको कारण अत्यन्त भाग्यवान प्राणी हो। मानवले उपभोग गरेसरह विशेष अग्राधिकार यो पृथ्वीमा कुनै पनि प्राणीले उपभोग गर्नसकेको छैन अनि त्यस अर्थमा हामीले सृष्टिको केन्द्रीय अवस्थान हासिल गर्ने सौभाग्य प्राप्त गरेका छौं। यो सत्यलाई स्वीकार्ने प्रत्येक मानव उनै सृष्टिकर्ता ईश्वरप्रति कृतज्ञ छन्। हामीले यसैकारण जीवनलाई सृष्टिको त्यो मूल्यवान आशिर्वादको रूपमा महत्व दिन्छौं, जुन अरू कसैसित तुलना हुनसक्दैन। वर्तमानमा, यो अमूल्य मानवजीवनले प्राणघातक कोरोना भाइरसको सामना गर्नपरिरहेको छ। मानवजातिले आज लाखौं यसका शिकारहरूको मृत्यु शोक मनाइरहेको छ। यसको गहिरो आतङ्कले सारा संसारलाई ग्रास गरेको छ। यस आतङ्कले जर्जरित संसारमा तपाईंहरूले घरबाहिर निस्कने अनि हामीलाई यस प्राणघातक कोरोना भाइरसको चपेटबाट बचाउन आफ्नो जीवनलाई जोखिममा हाल्ने आह्वानलाई आत्मसात गर्ने साहस प्रदर्शन गर्नुभएको छ। म तपाईंहरूले देखाउनुभएको योभन्दा ठूलो महानता र सुन्दरताको कल्पनै गर्नसक्दिनँ। जब म तपाईंहरूलाई यस युद्धको अघिल्लो पङ्क्तिमा उभिएको देख्छु, गहिरो कृतज्ञता र उच्च सम्मानभावले मेरो शिर तपाईंहरूसामु निहुरिन्छ। म तपाईंहरूप्रति हार्दिक प्रेम र दयार्द्रताले भरिन्छु। तपाईंहरूले घरमा छोड़ेर आउनुभएका जीवनसङ्गी, नानीहरू, अभिभावक, साइनो-सम्बन्ध तथा नजीकका प्रियजनहरू मेरो मनमा आउँछन्, जससित विदा मागेर निस्कँदा तपाईंहरूलाई थाहा हुन्न कि अघि के हुनसक्छ! तपाईंहरूले रोगीहरूलाई अत्यन्त आवश्यक सेवा-सुश्रुषा दिनुहुन्छ। तपाईंहरू मानव समुदायलाई पहरा दिनुहुन्छ, जनताको सुरक्षा सुनिश्चित गर्नुहुन्छ। हामीलाई भाइरसको आक्रमणबाट… Read More

त्रिवेणी कोविड अस्पतालमा सङ्क्रमितहरूको उपचार शुरू

त्रिवेणी कोविड अस्पतालमा सङ्क्रमितहरूको उपचार शुरू

दार्जीलिङ, 28 जुलाई। टिस्टा त्रिवेणीमा निर्माण गरिएको कोविड-19 अस्पतालमा कोरोना सङ्क्रमित रोगीहरूको भर्ना अनि उपचार शुरू भयो। गत 18 जुलाईको दिन मात्रै आधिकारिकरूपमा पूर्ण कोविड अस्पतालको दर्जा पाएको यस अस्पतालमा हिजोदेखि कोरोना सङ्क्रमितहरूलाई भर्ना गर्न शुरू गरिएको जीटीए (गोर्खाल्याण्ड टेरिटोरियल एड्मिनिस्ट्रेशन) सूत्रले बताएको छ। गत दुइ दिनअघिसम्म कोरोनाको लक्षण नभएका पोजिटिव रोगीहरूलाई दार्जीलिङको बतासेस्थित टीबी अस्पतालमा राख्ने गरिन्थ्यो भने कोरोनाको लक्षण नै रहेका रोगीहरूलाई सोझै सिलगढ़ीस्थित डा. च्याङ सुपर स्पेशियलिटी अस्पतालमा उपचारको लागि भर्ना गरिन्थ्यो। प्राथमिक चरणमा 100 वटा पलङमा सञ्चालन शुरू गरिएको त्रिवेणी कोविड अस्पतालमा रूघा-खोकी रहेका रोगीहरूलाई पनि भर्ना गरिन्थ्यो अनि उनीहरूलाई उपचारको सुविधा उपलब्ध गराइन्थ्यो। तर अब यहाँ कोरोनाका लक्षण भएका साथै नभएका पोजिटिव रोगीहरूको उपचार शुरू गरिएको छ। विशेष दार्जीलिङ पहाड़मा कोरोना सङ्क्रमित भेटिएको खण्डमा उनीहरूलाई उपचारको लागि सिलगढ़ी लानुपर्ने बाध्यता साथै त्यहाँ झेल्नपर्ने विभिन्न असुविधाहरूलाई ध्यानमा राखेर नै जीटीए अध्यक्ष अनित थापाले दार्जीलिङ पहाड़मा नै कोविड अस्पतालको निर्माण गर्नुपर्ने माग उटाएका थिए। जसलाई पूर्णरूपले स्वीकृति प्रदान गर्दै राज्यकी मुख्यमन्त्रीको निर्देशमा दार्जीलिङ पहाड़मा यसको लागि उपयुक्त स्थान हेर्ने जीटीएलाई निर्देश दिएकी थिइन्। जसबारे जिल्लाको स्वास्थ्य विभाग साथै सम्बन्धित निकायहरूले त्रिवेणीको टुरिष्ट लजलाई कोविड अस्पतालको रूपमा सञ्चालन गर्न सकिने उचित ठानेपछि यहाँ 21 दिनभित्रै यसलाई एक अस्पतालको रूप प्रदान गरिएको थियो। प्राथमिकरूपमा यसलाई सारी (सिभियर एक्युट रेस्पिरेटोरी… Read More

गोर्खा जनमुक्ती मोर्चा खरसाङ महकुमा समितिद्वारा शहीद दिवस पालन

गोर्खा जनमुक्ती मोर्चा खरसाङ महकुमा समितिद्वारा शहीद दिवस पालन

हामी हाम्रो अलग राज्यको मागमा संघर्षरत छौ :गोर्खा जनमुक्ती मोर्चा खरसाङ, 27 जुलाई । गोर्खा जनमुक्ती मोर्चा खरसाङ महकुमा समितिले आज छुट्टै राज्य प्राप्तीको महासंग्राममा आफ्नो जीवन बलिदान गर्ने सम्पूर्ण वीर सपुतहरूलाई श्रद्धाञ्जली अर्पण गरेको छ। यस अवसरमा खरसाङ महकुमा समितिका सभापति प्रदीप मगर र सचिव सुरज छेत्रीले संयुक्त रूपमा एउटा प्रेस बयान जारी गर्दै भनेका छन, भारत देशमा आफ्नो छुट्टै राज्य हुनपर्छ भन्न खातिर ढेड करोड भारतीय गोर्खाहरूले आफ्नो राजनैतिक हकहित र अधिकारको लडाई शताब्दी देखी नै लडदै आईरहेका छन्। मुख्यत गोरामुमोको नेतृत्वमा सन 1986 देखी शुरू भएको छुट्टै राज्य गोर्खाल्यान्डको आन्दोलनमा आज कै मितिमा अर्थात 27 जुलाई 1986 कै दिन कालेम्पोङ बजार परिक्रमा गरिरहेको जुलुसमा बंगाल सरकारको प्रशासनले निहत्था हाम्रो जनतालाई गोली ठोकेर निर्मम हत्या गरेको थियो । यो ऐतिहासिक घटनालाई आलो राख्दै 27 जुलाईको दिन शहीद दिवसको रूपमा सश्रद्धा श्रद्धाञ्जली अर्पण गर्ने गरिन्छ। तथापी सन 1986 देखी लिएर 2007 मा पुन छुट्टै राज्य गोर्खाल्यान्डको मागलाई पुनः बुलन्द गर्दै गोर्खा जनमुक्ती मोर्चाको जन्मभए यता आज पर्यन्त हामी हाम्रो अलग राज्यको मागमा संघर्षरत छौ। हामीले हाम्रो राजनैतिक लक्ष्य उक्लन सकेका छैनौ । आज सन 1986 देखी लिएर बिगत 2017 सालमा भएको छुट्टै राज्य प्राप्तीको महासंग्राम सम्म आईपुग्दा जाति र माटो निम्ती आफ्नो अमुल्य जीवनको बलिदान दिने ती सम्पुर्ण बीर… Read More